විදුහල්පති පණිවිඩය

21 වන සියවසට ගැලපෙන පාසලක් ලෙස සංවර්ධනය වෙමින් ඉදිරියට පිය නගන අප පාසල සබරගමුව පළාතේ ඇති දීප්තිමත් පාසලකි. අප සිසු දරුවන් කලාප, පළාත් මෙන්ම ජාතික මට්ටමේ ජයග්‍රහණ රාශියකට උරුමකම් කියන අතර, පාසලෙන් බිහි වූ කීර්තිමත් ආදි සිසුන් ද බොහොමයකි. අද වන විට ඔවුන් රටේ ඉහළ තැන්වන තනතුරු දරමින් රට දැය වෙනුවෙන් සුවිශේෂි මෙහෙවරක් ඉටු කරති.

අප පාසල තොරතුරු තාක්ෂණ අංශයෙන්  පසුගිය කාලය පුරා විශාල දියුණුවක් අත්කරගෙන ඇත.

කොරෝනා වසංගත කාලය තුළ පාසල් වසා තිබුණු අවධියේ මුළු රටම අවධි කරමින් සජීවි youtube පාසල ආරම්භ කළේ අප පාසල විසිනි. රටේ සියලු දරුවන්ට එක ලෙස ඉගෙනුම් කටයුතුවලට සම්බන්ධවීමට ඒ තුළින් හැකියාව ලැබුණි. පසුව දැනුව හුවමාරු කර ගැනීමට blogspot හරහා පහසුකම් සලසා දෙන ලදි. මෙම වෙබ් අඩවිය ද සියලු දෙනාගේ යහපත වෙනුවෙන් යොදා ගැනීමට අපේක්ෂා කරමි.

මෙම කර්තව්‍ය සාර්ථක කර ගැනීම සඳහා උරදුන් සැමට මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්‍යාපන කටයුතු දිනෙන් දින වර්ධනය වේවා යි ප්‍රාර්ථනා කරමි.

විදුහල්පති,

වැලිපත සුමනරතන හිමි

ර/බල/කල්තොට රෝහණ විද්‍යාලය